“Малчин эмэгтэйчүүдийн дуу хоолой” зөвлөлдөх уулзалт Дорнод аймагт зохион байгуулагдлаа

“Малчин эмэгтэйчүүдийн дуу хоолой” зөвлөлдөх уулзалт 2026 оны 03 дугаар сарын 19–20-ны өдрүүдэд Дорнод аймгийн Баяндун суманд амжилттай зохион байгуулагдлаа.

Энэхүү уулзалт нь малчин эмэгтэйчүүдийн хамтын хүч, дуу хоолой, оролцоог нэмэгдүүлэх зорилготой, 3 жилийн хугацаанд хэрэгжих хамт олонд суурилсан цуврал арга хэмжээний нэг хэсэг юм.

Уулзалтад Баяндун сум болон ойролцоох бүс нутгийн малчин эмэгтэйчүүд оролцож, өөрсдийн өдөр тутмын амьдрал, тулгамдаж буй асуудал, хэрэгцээ шаардлага, мөн нийгмийн үйлчилгээний хүртээмжийн талаар туршлагаа хуваалцлаа.

Хэлэлцүүлгийн үеэр малчин эмэгтэйчүүдийн шийдвэр гаргах түвшний оролцоо, төлөөлөл, манлайллыг нэмэгдүүлэх хэрэгцээ, мөн орон нутгийн бодлого, үйлчилгээтэй уялдуулах боломжийн талаар санал солилцов.

Энэхүү цуврал арга хэмжээ нь малчин эмэгтэйчүүдийн дуу хоолойг бодлогын түвшинд хүргэх, тэдний оролцоог тогтвортой нэмэгдүүлэх, феминист хөдөлгөөний суурийг бэхжүүлэх чухал шат болж байна.