2025 оны 10 дугаар сарын 20–23-ны өдрүүдэд “SASA! ХАМТДАА – нийгэм, хамт олны хүчийг дайчлан үр дүнтэй ажиллах аргачлал” сэдэвт сургалт амжилттай зохион байгуулагдлаа.

Тус сургалтад ХБХЭЭ холбооны Улаанбаатар хотын төв, мөн Ховд, Баян-Өлгий, Орхон аймгийн ажилтнууд оролцож, нийгэмд чиглэсэн өөрчлөлтийг хамтын хүчээр бий болгох SASA! Together аргачлалын онол, практик мэдлэг эзэмшлээ.

Сургалтыг хамтран зохион байгуулсан APDC Mongolia – Хөгжлийн бэрхшээлтэй хүүхэдтэй эцэг эхчүүдийн холбоо, идэвхтэй оролцсон оролцогчид, мөн энэхүү санаачилгыг санхүүжүүлэн дэмжсэн Норвегийн тусламжийн байгууллагад чин сэтгэлийн талархал илэрхийлье.

Сургалтын хүрээнд оролцогчид:

• Хүүхэд бүрийн эрхийг хангах,

• Сум, аймагтаа чанартай боловсрол, эрүүл мэндийн үйлчилгээ авах боломжийг сайжруулах,

• Ялгаварлан гадуурхалтгүй, эрх тэгш нийгмийг төлөвшүүлэх,

• Эрх мэдлийн тэнцвэргүй байдлыг бууруулах

зорилгуудын хүрээнд орон нутагт өргөн суурьтай хөдөлгөөн бий болгох, SASA! активистууд хамтдаа ажиллах шинэ санаа, стратеги, тактикийг боловсрууллаа.