Та сүүлийн 5 жилийн хугацаанд УИХ-ын болон орон нутгийн сонгуульд нэр дэвшиж байсан бол уг санал асуулгад оролцож өөрийн санал, туршлагагаа хуваалцаарай. Ингэснээр та эмэгтэй улстөрчдийн өмнө тулгардаг саад бэрхшээлийг багасгах, хэвлэл мэдээлэл, цахим орчин дахь дайралт, халдлагатай үр дүнтэй тэмцэх чиглэлээр оролцогч талуудад зориулсан бодлогын зөвлөмж гаргахад үнэтэй хувь нэмэр оруулах болно.

Асуулгаар авсан мэдээллийн нууцыг Монгол Улсын Хувь хүний нууцын тухай хууль болон Статистикийн тухай хуулийн дагуу чандлан хадгалж, зөвхөн судалгаа, шинжилгээний зорилгоор ашиглах болно.

Судалгаа бөглөх холбоос: https://form.jotform.com/250713770468461…

Судалгаа бөглөсөн хүмүүст гар утасны 10,000 төгрөгийн дата урамшуулал олгох бөгөөд та нэр, утасны дугаараа үлдээнэ үү. Бид таны хувийн мэдээллийг зөвхөн захиргааны ажлын зорилгоор буюу урамшууллын дата шилжүүлэх, судалгааны асуулгатай холбоотой асуудлаар эргэн тодруулга авах зэргээр ашиглах бөгөөд өөр зорилгоор ашиглахгүй, задруулахгүй, чандлан хадгалах болно.

Энэхүү судалгааг эмэгтэй улстөрчид хэвлэл мэдээлэл, нийгмийн мэдээллийн сүлжээ ашиглан олон нийттэй харилцахад тулгарч буй саад бэрхшээлүүд, тэдгээрийг шийдвэрлэх арга замыг тодорхойлох, өнөөгийн нөхцөл байдалд анализ хийх зорилгоор Хэвлэл мэдээллийн зөвлөл Эмэгтэйчүүдийн манлайллын сүлжээ хамтран зохион байгуулж байна.