МОНФЕМНЕТ Үндэсний Сүлжээний төлөөлөл CSW69-д оролцож байна!

Нью-Йорк хотноо НҮБ-ын Төв Байранд 2025 оны 3-р сарын 10-21-ний өдрүүдэд болж буй Эмэгтэйчүүдийн аж байдлын комиссын (CSW69) хуралдааны нээлтэд Ази, Номхон далайн бүс нутгаас дараах зургаан тэргүүлэх чиглэлийг зөвхөн үүрэг амлалт бус, бодит үйл ажиллагаа болгон хэрэгжүүлэхийг шаардаж байна:

Технологийг жендерийн тэгш байдлыг дэмжих хэрэгсэл болгох – Цахим ялгааг арилгах, онлайн орчин дахь жендерт суурилсан хүчирхийлэлтэй тэмцэх, эмэгтэйчүүдийн ШИМТ салбар дахь манлайллыг дэмжих.
Эмэгтэйчүүдийн эдийн засгийн шударга ёсыг хангах – Зохистой хөдөлмөр, амьдрахуйц цалин, нийгмийн хамгаалалтыг баталгаажуулж, асрахуйн хөдөлмөрийг хүлээн зөвшөөрч, түүнийг тэгш хуваарилах.
Бэлгийн болон нөхөн үржихүйн эрүүл мэнд, эрх (SRHR)-ийг бүх нийтэд хүртээмжтэй болгох – Бие махбодын хараат бус байдлыг хамгаалах, бэлгийн цогц боловсролыг өргөжүүлэх, чанартай, хүртээмжтэй үйлчилгээ үзүүлэх.
Эмэгтэйчүүд, охидын эсрэг хүчирхийллийг тэг болгох – Хууль, хариуцлагыг чангатгах, урьдчилан сэргийлэх арга хэмжээнд хөрөнгө оруулж, амьд үлдэгсдийн төвтэй хандлагыг дэмжих, цахим орчин дахь хүчирхийллийг шийдвэрлэх.
Эмэгтэйчүүдийн энх тайван, аюулгүй байдлын асуудлаарх манлайллыг хангах – “Эмэгтэйчүүд, Энх тайван, Аюулгүй байдал” (WPS) хөтөлбөрийг бүрэн хэрэгжүүлж, зөрчилдөөнөөс урьдчилан сэргийлэх, энх тайвныг цогцлоох, шийдвэр гаргахад эмэгтэйчүүдийн оролцоог нэмэгдүүлэх.
Жендерийн тэгш байдалд суурилсан уур амьсгалын шударга ёсыг урагшлуулах – Жендерт мэдрэмжтэй уур амьсгалын бодлого, санхүүжилтийг баталгаажуулж, эмэгтэйчүүдийн тэргүүлсэн уур амьсгалын шийдлүүдийг дэмжих.